Útlesing til Excel

Útlesing
Til ber at útlesa allar talvur í skipanini til Excel-rokniark. (Tíverri verða nøvnini á talvunum víst á eingilskum.) Við at velja eina talvu og trýsta á "Les inn", verður talvan lisin og víst undir einum skiljiblaði. Fyri hvørja talvu tú lesur inn, verður nýtt skiljiblað stovnað. Tá tú hevur valt út tær talvurnar sum skulu lesast út, skalt tú trýsta á knøttin "Útles til Excel". Spurt verður um eitt fílunavn, og síðani verður ein Excel-fíla gjørd. Excel-fílan inniheldur eitt "Worksheet" fyri hvørja talvu.

Tað er sera hent at brúka eitt slíkt rokniark sum útgangsstøði tá tú ætlar at lesa upplýsingar inn í skipanina.

Í myndini ber til at filtrera og sortera rekkjurnar sum einum lystir. Men tá tú velur "Útles til Excel", verða altíð allar rekkjur lisnar út í tí røð tær lógu í, tá tær blivu lisnar inn.

Innlesing frá Excel

Innlesing

Um tú hevur nógvar dátur sum skulu lesast inn í skipanina í einum Excel-rokniarki, ber til at lesa hesar beinleiðis inn, treytað av at teigarnir eru 100% rættir. Fyri at tryggja sær at allir teigarnir eru við í rokniarkinum, kanst tú velja at útlesa fyrst og síðani strika allar rekkjurnar uttan yvirskriftirnar - fyri at brúka tað rokniarkið sum útgangsstøði.

Eftir at tú hevur trýst á knøttin "Vel excel-fílu" kanst tú leita teg fram til excel-rokninarkið sum innheldur tað tú skal lesa inn. Skermmyndin vísir tær, undir einum skiljiblaði, tær dátur sum vóru í rokniarkinum. Eitt skiljiblað kemur fram fyri hvørt "Worksheet" sum er í rokniarkinum. Um eitt Worksheet manglar upplýsingar ella inniheldur skeivar upplýsingar, kemur fráboðan um tað tá tú velur Innles.

Við at velja "Innles", verða allar rekkjur lisnar inn í tilsvarandi talvu í skipanini. Finst ein rekkja ikki frammanundan í skipanini, verður hon stovnað, og finst hon frammanundan, verður hon broytt til tað sum stendur í rokniarkinum.

Gev gætur: Um ein kolonna vísir til eina kolonnu í eini aðrari talvu (t.d. vørur og vørubólkur), er av stórum týdningi at einans lóglig virðir standa í her.