From Nema Wiki

Teigar í myndini Kundar

Generelt

• Kundanr

  Hetta er eintýðuga kundanummarið sum eisini verður brúkt tá bókað verður. T.v.s. tað skal finnast sum ein konta í bókhaldsskipanini eisni.

• Navn

  Kundanavnið

• Sperraður

  Tú kanst sperra ein kunda. Hetta merkir at tú kanst ikki dagføra verandi ordrar hjá honum til fylgiseðlar ella fakturera ordrar hjá viðkomandi kunda. Hóast ein kundi er sperraður, kanst tú gera ordrar uppá hann - við tað at ongar dagføringar verða gjørdar, hvørki uppá kundan ella evt. vøru.

• Leitinavn

  Hetta er eitt eyka navn tú kanst leggja inn á kundan. Hetta kemur ikki fram á nakra útskrift, men við tað at leitast og bólkast kann uppá hendan teig, kann hetta verða ein hentur teigur.

• Navn2

  Hetta er bert ein víðkan av navna-teiginum. Teigurin kemur við á útskriftirnar sum verða sendar til kundan.

• Kundabólkur

  Tá tú stovnar nýggjan kunda, verður hesin teigur fyltur út við fyrstu linju í skránni Kundabólkar. Tú kanst t.d. velja at deila kundarnar hjá tær sundur í fleiri bólkar og við hjálp av hesum teiginum ber til at fáa teir bókaðar á ymiskar kontur í bókhaldinum.

• Gjaldoyra

  Skipanin er bygd upp soleiðis at hon kann handfara ymisk gjaldoyru. Gjaldoyra sum verður valt her, verður flutt við til ordran og fakturan. Tá fakturin so verður bókaður, verður upphæddin bókað í tí fremmanda gjaldoyranum. Gjaldoyra kursurin verður ásettur í ordranum.
  
  Tá tú stovnar nýggjan kunda, verður hesin teigur ásettur eftir hvat stendur í Virkisupplýsingar/Standard gjaldoyra.
  
  Tað er gjaldoyra á fakturakontuni sum hevur avgerandi ávirkan á ordran/fakturan.

• Mál

  Skipanin kann skriva út ordraváttanir og fakturar í fylgjandi málum: føroyskum donskum og eingilskum. Um annað mál verður valt her, verða útskriftirnar skrivaðar út á eingilskum. Mál sum verður valt her, verður flutt við til ordran og fakturan.
  
  Tá tú stovnar nýggjan kunda, verður hesin teigur ásettur eftir hvat stendur í Virkisupplýsingar/Standard málkota.
  
  Tað er mál á fakturakontuni sum hevur avgerandi ávirkan á ordran/fakturan.

• Navn, Adressa,
  Postnr, Býur og Land

  er sjálvsigandi. Hesar upplýsingar koma fram á øllum útskriftum.

• Telefon, Fax,
  Teldupostur, Heimasíða og Kontaktpersónur

  er sjálvsigandi. Hesar upplýsingar koma IKKI fram á nakrari útskrift, men teldupostadressan verður nýtt sum móttakari tá ordraváttan og fakturi skal sendast umvegis teldupostskipanina.

• Prenta faktura

  Tá tú undir Fakturar velur útskriftir Fleirfakturar, koma teir fakturar á prent, har kundin hevur frámerki Prenta faktura sett. Í ordramyndindi, tá tú velur ar Fakturera EIN ordra, kemur rútur fram, har spurt verður um fakturin skal prentast eftir at hann er faktureraður. Hetta verður stýrt frá hesum teigi.

• Send við telduposti

  Tá tú undir Fakturar velur útskriftir Fleirfakturar, verða teir fakturar sendir við telduposti, har kundin hevur frámerki Send við telduposti sett. Í ordramyndindi, tá tú velur ar Fakturera EIN ordra, kemur rútur fram, har spurt verður um fakturin skal sendast sum teldupostur eftir at hann er faktureraður. Hetta verður stýrt frá hesum teigi.

Gjaldsupplýsingar

• Fakturakonta

  Herí kann setast eitt kundanummar sum er tann kundin sum fær rokningina tá fakturin verður skrivaður út. T.v.s. siga ordraskipanin arbeiðir við einum leveringskunda og einum fakturakunda. Um tú sum brúkari einki setur í her, verður kundanr brúkt sum stendur á forsíðuni. Í flestu førum er tað sami kundi sum bíleggur sum skal hava fakturan.
  
  Men tað er hugsandi at t.d. ein skúli bíleggur eitthvørt, men kommunan skal rinda. Tá skal inni á kundanum setast kundanr hjá kommununi í hendan teig.
  
  Tað ber tó til inni á ordranum at tilskila at annar kundi skal hava rokningina, sjálvt um hann ikki stendur uppplýstur í hsum teigi inni á kundanum.

• Gjaldstreytir

  Her kann veljast ein gjaldstreyt sum verður galdandi fyri fakturarnar. Hesin teigur verður førdur yvir á ordran tá hann verður stovnaður, men kann inni á ordranum broytast til aðra gjaldstreyt uttan at tað ávirkan teigin inni á kundanum.
  
  Tað er gjaldstreyt á fakturakontuni sum hevur avgerandi ávirkan á ordran/fakturan.

• Gjaldsháttur

  Her kann veljast ein gjaldsháttur. Gjaldshátturin verður førdur yvir á ordran tá hann verður stovnaður. Gjaldshátturin hevur ávirkan á hvussu fakturaupphæddin verður avrundað.
  
  Tað er gjaldsháttur á fakturakontuni sum hevur avgerandi ávirkan á ordran/fakturan.

• Avsláttur %

  Í hendan teig kann ein avsláttur ásetast. Hesin prosentsatsur verður settur inn á ordralinjurnar so hvørt tær verða stovnaðar. Inni á ordralinjunum kanst tú broyta satsin uttan at tað ávirkan hendan teigin inni á kundanum.

• MVG-skyldugur

  Við at taka frámerki úr hesum teigi, verður MVG ikki roknað av vørum og tænastum tá selt verður til hendan kundan.

Dimensiónir

• DIM1..Dim5

  Skipanin arbeiðir við fimm dimensiónum. Upplýsingarnar herí eru ikki knýttar at aðrari skrá og er tað tí fríur tekstur ið kann setast inn her. Tær upplýsingar tú tastar inn her, koma við yvir á ordralinjurnar har tær eftirgylgjandi kunnu broytast. Hesar dimensiónir eru við í fíluni sum verður latin bókhaldsskipanini til innlesing.